Meitsje jimme mar wer entûsjast!
Iepenloftspul Dronryp bringt de komeedzje ‘De Wize Wiven fan ’e Waadhoeke’ op de planken. It stik is basearre op ‘The Merry Wives of Windsor’, in komeedzje skreaun troch William Shakespeare. It ferhaal draait om in komyske ridder dy’t beslút syn finansjele problemen op te lossen troch rike, troude froulju it hôf te meitsjen. De froulju ûntdekke syn plan en beslute him in leske te learen. De misferstannen liede ta hilaryske sitewaasjes.
Wy binne al drok dwaande mei de tariedingen. Hâld ús social media-kanalen yn ‘e gaten foar de updates!
